लोहगाव: मराठवाडा मित्रमंडळ इन्स्टिट्यूट ऑफ टेक्नॉलॉजी, लोहगाव पुणे येथील राष्ट्रीय सेवा योजना व  सावित्रीबाई फुले पुणे विद्यापीठ व ससून ब्लड बँक यांच्या सयुंक्त विद्यमाने विद्यापीठस्तरीय साखळी पध्दतीने रक्तदान शिबिर हे माजी मुख्यमंत्री आणि मराठवाडा मित्रमंडळाचे संस्थापकीय अध्यक्ष डॉ. शंकरराव चव्हाण व स्वातंत्र्यवीर विनायक दामोदर सावरकर यांना विनम्र अभिवादन देऊन केले व सोबतच पुस्तक प्रदर्शन आयोजित करण्यात आले. प्राचार्य डॉ. रुपेश भोरटके, विभाग प्रमुख डॉ. उमेश मोहरील, प्रा. सुभाष राठोड व ग्रंथपाल रिना कोकणे आणि राष्ट्रीय सेवा योजनेचे कार्यक्रम अधिकारी प्रा. रोहित पोलास, समन्वयक प्रा. गणेश जगदाळे, प्रा. मनीषा भिसे व प्रांजली देशमुख  व इतर कार्यकारी मंडळी उपस्थित होते. या उपक्रमामध्ये विद्यार्थी,शिक्षक आणि शिक्षकेतर कर्मचारी मोठ्या प्रमाणात सहभागी झाले .या उपक्रमास संस्थेचे  कार्याध्यक्ष श्री.भाऊसाहेब जाधव,सचिव श्री.किशोर मुंगळे आणि संकुल संचालक श्री. चारुदत्त बंगाळ यांचे मार्गदर्शन लाभले.